കവിത

മരണം

ഇന്നലെയൊരുത്തന്റെ,
സാന്നിധ്യം കഴിഞ്ഞ് ഞാന്‍
തിരിഞ്ഞു നടന്നതിന്‍ ,
പിന്നാലെ ദൂതനും ,
പറന്നെത്തീ ചൊല്ലിടും
ആ ഒരുത്തന്‍ ഭൂമിയെ വിടചൊല്ലിയെന്ന്.

ഞാന്‍ ദീര്ഘനിശ്വാസം ചെയ്തു,
തീര്ച്ചയായും നിന്നിലേക്ക്
മടങ്ങുമെന്നതെത്രയെത്ര വാസ്തവം .

പിന്നീടറിഞ്ഞു ഞാന്‍ ,
ഞാനല്ലല്ലോ അതെന്ന്,
എന്നില്‍ കാരുണ്യം വര്ഷിച്ച,
നീയെത്ര പരിശുദ്ധന്‍ !! എന്‍ മനസ്സോതി.

ഇന്നും കണ്ടൂ ഞാന്‍ ,
ഒരു മൃത്യുവിനെ,
അപ്പോഴും ഞാന്‍ ചുണ്ടിലോതി,
ഇന്നാ ലില്ലാഹി വ ഇന്നാ ഇലൈഹി.......,
പക്ഷെ ഞാനറിഞ്ഞു,
ഞാനല്ലാ അതെന്ന്.

എത്രയോ കാരുണ്യവനാണു നീയെന്നില്‍ ,
വീണ്ടും മന്ത്രിച്ചു ഞാന്‍ .
നിന്റെ കാരുണ്യത്തിന്
ഞാനിത്ര മാത്രം ചെയ്തതെന്ത്?
കാരുണ്യവാനേ .... കരുണാമയനേ.........
കെ.എ.എസ് (കുടുംബം 2001ല്‍ നിന്ന്)